近年啲円大跌 去日本仲多過返鄉下 有冇諗過橫掂去玩 不如抽一日出黎影返輯日系婚紗相？🙋🏻♀你以為日本淨係得櫻花紅葉？咁就錯啦！日本一年四季都咁有特色.......
一般旺季去影櫻花 根本一個字形容晒！「迫！」，一張原本只係應該得兩個人既相，竟然多左廿個路人甲🤦🏻♀邊個係主角都睇唔清😭🙆🏻♀但係我哋就會捐窿捐罅專門搵一啲近郊地方，無乜人知道嘅秘境，影足成個晏晝都無人騷擾啦！😍
介紹得俾大家，梗係唔止櫻花，同一個區仲有得影好大片油菜花田，隔離就係火車站，一次過滿足你幾個願望。真心覺得日本鐵路勁有電影感，可能睇日劇多，男女主角👫都會係啲鐵路站到相遇🤣
飛去日本好多新人想著吓浴衣👘影日本嘅舊建築，但係一定唔會建議去影大路遊客景點好似雷門🏮之類，去啲小神社🎎就唔洗影張相都要好似迪士尼排機動遊戲啦！慳時間之餘，仲唔洗驚俾人眼甘甘望住你影相。
有時旅行去啲景點都會想打卡，證明到此一遊過😏。但係要影到靚相，真係要少啲遊客唔洗咁迫會舒服好多，近郊地方除咗大自然景，仲有啲得日本人先識嘅地方，仲好啱影相㗎！
日本電影迷，注意！😍
仲有仲有，哩個龍貓車站都好fantasy，宮崎俊嘅電影真係由細睇到大，嚟到哩度，直情好似走咗入動畫世界咁！
好影嘅地方，真係數極都數唔晒。春夏季節好適合去玩吓水，充滿神秘感覺嘅石洞，襯埋瀑布同石澗好夠吸引你哋嘅眼球。
再唔係去吓影到日落黃昏嘅沙灘邊，唔會好似香港嘅海灘，靜靜哋睇住個天慢慢變色。
你係咪鍾意夜景呢？玩着煙花睇星星都係個唔錯嘅選擇，平時喺香港無得玩，去到日本梗係要把握機會啦！
Photographer: Destiny H C Hong
沒有留言:
張貼留言