【#prewedding】造型先決

fb: http://fb.com/hong.destiny/  //  ig: hong_destiny // ws: ws: +852 6689 8685

之前有篇Blog同大家分享過揀一啲拍攝主題同地點嘅小貼士，依家就想同大家講吓，造型嘅重要性。想影到一輯靚嘅pre wedding相，預備造型同道具可以令輯相更有味道。

除咗婚紗同埋西裝，pre wedding相可以着下唔同衫褲鞋襪👚👕👖👔👗👘👠👢👞👞👒

玩啲日常出街嘅fashion，又可以玩啲唔同年代國家嘅造型。就等我哋一齊穿越時空環遊世界。🚎🚝🛩🚅🚢🗺

例如想搵一啲中國風嘅主題，新娘嘅旗袍真係唔少得，當然玩特別造型梗係要玩到盡，化妝師出手幫新娘襯返個大波浪髮型，搞掂。又或者襯件紅色晚裝都唔金㗎！

唔同嘅歐美英倫時裝都係咁有代表性，一睇就知道係咩年代。

玩一啲輕婚紗造型，想影相嘅時候可以跑跑跳跳玩得更自在，以白色為主調嘅簡約裙款應該係你嘅好選擇。

 加啲民族元素感覺就更加突出。

襯個色系，新郎新娘著couple style便服

新郎鍾意踢波打籃球，整套情侶裝嘅波衫⚽🏀🏈🎾一齊去球場打波又得，留喺屋企睇波，得咗！

運動look都有好多嘢玩得到

細細個就睇Where is Wally，但係而家決定扮返佢，喺尖沙咀鬧市做一次Wally，搵唔搵到新郎新娘？！😉

黑白灰深色系型格look 係咪佈滿你旅櫃？無理由唔著出嚟型返吓啦！

而家網購真係好方便，除咗淘寶仲有好多外國嘅服裝網店，Size齊如果買咗返嚟唔啱心水仲可以退貨。好似呢條藍色嘅短裙，襯晒夜晚嘅電車站景。

中環夜景之下，襯埋電單車都好型。呢架紫色大道具真係好靚。

【#prewedding】主題之作

fb: http://fb.com/hong.destiny/  //  ig: hong_destiny // ws: +852 6689 8685

結婚相影得靚係基本，相入面嘅新人有真摯嘅表情反應係會令到啲相更加有生命力，更加吸引。若果係呢啲基礎之外，係呢啲相可以睇到屬於新人嘅故事、喜好、生活就更加難得。

親親大自然都已經係個好正嘅主題，大草地、森林、海灘都好好影。

#奔跑吧！ ️平日鐘意做運動，著上個Sporty婚紗禮服look ，幾fashion！Sporty couple嘅pre wedding相以唔同運動先至啱數。

好多時候新人將佢哋嘅prewedding相俾身邊嘅親戚朋友睇，又或者post 喺Facebook instagram，comment都會話: 「啲相好似有聲咁」「係佢哋嘅真性情」「佢哋平時就係咁樣㗎啦」⋯⋯

因為啲相真係識講故事呢！相信妳同你由讀書到而家嘅經歷真係可以拍成 ＃微電影 ，＃甜品師 #用麵粉醞釀出甜蜜愛情 ，哩句slogan夠晒貼切。

要影到一對新人真實互動同交流，事前攝影師同一對新人傾計好重要。了解佢哋有咩共同嘅喜好，平時相處係點，又或者係一啲生活習慣等都可以成為影相嘅主題。

喺寵物店認識，係真正嘅寵物情緣呀！仲有好多新人嘅寵兒囝囡啦！

又帶啲新人係中學同學，決定換返個校服look，仲會真係帶埋啲書上學去，做返一日學生。

平時係屋企一齊整嘢食，睇吓戲嘅時光都好美好。影家居日常都好有意思。

或者你哋成日去嘅地方，都已經好代表到你哋。放假約去拍拖，但每對情侶鐘意嘅地方都好咖同㗎！
例如：一齊飲咖啡嚟個all day breakfast 嘅cafe

假日港島離島之旅，飲飲食食最滿足

花啲心思將喜歡嘅顏色、玩意加入pre wedding相之中，怎至有新人想令自己住入最愛嘅lego小屋都無問題！

⋯

Photographer: Destiny H C Hong